البنـــــــــات في المـــــا سنجر !!!!!!

السلام عليكم ورحمة الله وبركاته

في نوعية من البشر ودك تسولف معهم وفيه ناس تصكهم بلوك ودليت
تعالو نتعرف على اصناف البنات في الماسنجر
العاقله
لما تفتح ماسنجرها ماتكلم حد.. تنتظر الكل يرحب فيها وتقول شكرا..
واذا حد ارسل لها فايل او رابط اغنية حطت له علامة استفهام وتسكت نص ساعه ماتكلم.
تخاف من الاخطاء الاملائيه ولما تكون متحمسه في الكلام.. تكتب كل كلمة في سطر وتضغط انتر.....
وضحكتها عبارة عن ابتسامه واذا كانت مبسوطه مررره تحط ثلاث ابتسامات
المصلحجية..
تدخل عليك فجأه وتحط لك ورده.. مع انها كل يوم متواجده ماتسلم عليك الامره بالشهر
وتقول شدعوه ماتسال وتسلم عليك علي؟وينك من زمان ماشفناك .
وتستخدم مشغول في الخارج.. واذا احتاجت مساعدة تجيك
تقول ترى اختي كل يوم تفتح ماسنجري واوصيها. تبلغك السلام لاني مشغووولة حدي في الدراسة. لووووول حلوه
وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني لاتكلمها بليز.

الرسميـة
ترتب المجموعات الى قسم العائله و قسما الزملاء.. طبعا مافيه قسم اصدقاء.. واغلب كلامها مثل.. احترم نفسك.
. . ولما تسالها شخبارك؟ ترد انا بخير وتسكت ترد وعليكم وتسكت. .. واذا سلمت عليها.
ولما تعطيها اهداء تقولك شمعنا انا بالذات؟ لووول ياحياة الشقا.. واغلب وقتها تقرا مواضيع في المنتديات
تعشق برنامج الاتجاه المعاكس. ..
الهبلــة
شوي تكتب نكته وتضحك لحالها.. وضحكتها طويله تقريبا ثلاث سطور. هذي كل سوالفها ضحك.. وكل.
واغلب كلامها بالصورا.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. . ينقالها متابعة الاحداث العالمية خخخخخخ
وكل شوي تغير الصورة الجانبيه.. والنك.. ولون الخط

الدفشــة
تغيب أيام طويلة مدري وين تروح وترجع فجأة.. وكلماتها مثل.. شخبار امك عساها طيبة؟ يادلخ..
. لاتزعل من اوخيتك تراني امزح..
ودايم تطيح الميانة.. وثقافتها ماتعدى المتوسطه وتفكيرها في البر والتفحيط والددسن.....
مقاطعه من العطورات غير دهن العود ابوعشرين.. ولو كلمتها عن ماركة قوتشي او ديور بتقولك ماتعرف الامريكان.. وضحكتها زي كذا هع هع هع
وتكتب بلون اسود لانها ماتعرف تغير الالوان هع .

البطــــة
طباخة ممتازة وتحب تسولف عن الاكل. ودايم جوعانه.. ونقطة ضعفها الجالكسي جواهر والاندومي قبل العشاء بساعه يكون مزاجها متعكر ودايخه و تسولف من غير نفس..
ولما ينادونها للعشا تقفل الماسنجر بسرعة البرق.. لوووول وعادة يكون نكها فراولة الرياض او شوكولاته أنيقة
..ودائما تتكلم عن تجاربها الفاشلة في الريجيم هع.. مستحيل تشوفها في النهار لان الجو حار.. اوقاتها من العصر وطالع
دمها خفيف واقل موقف يمكن يبكيها

البريئــة..
عمرها يكبر وعقلها مايتغير مازالت طفله وعلى نياتها.. تثق في كل الناس وبسرعة تتأثر ؟
وكل يوم تسالك عن عمرك..
.. تتواجد في العصر والمغرب لانها تنام بدري
تعشق سبيس تون وبينك بانثر و تحب تسولف عن الأزياء والتسريحات
شعارها الدنيا حلوه. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها
باسرارك بتفضحك بالمنتديات..
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع بتخاف منك.

الشينـــة
اسمها الحقيقي نوره او ساره او حصه او عنبره او رقيه ويعايرونها في البيت ام ضرس او الحولا..
تتميلح وتقول اسمي الجوهره أو مشاعل او فاتن او شهد او ريم.. ودايم تنتقد.. واذا شافتك مشغول انواع الهواش والشتايم
تحتار كيف ترضيها.. تعطيها اغنية تقولك ماحب الاغاني تعطيها كرت تقولك انا مو بزره قدامك.... تشبه سنفور غضبان كل شي يضايقها وكل شي يزعلها ا..
تكره اليسيا ونانسي وتموت في الطقاقات.. ماتعرف تجامل ولاتمدح الانفسها.. دايم توصف نفسها بالجمال والرشاقه..
تختار اسماء مثل الدلوعة الفاتنة.. الماسة.. أميرة.. الى اخره..ا.
المتزوجـة
سبب في كرهك للزواج.. كل سوالفها عن مشاكل الزواج و غثى اعيالها.. وفجأة تروح تصايح على عيالها وترجع تقول برب
؟
واذا وصل زوجها للبيت تقفل الماسنجر وتطلع
من غير لاتقول باي وكل يوم تسألك متى ناوي تتزوج عشان نفرح فيك..
اوقاتها مختلفه مالها وقت محدد.. وترز صورة اعيالها في الماسنجر.. شعارها يازين حياة العزوبيه
نكها مثل المهمومه الجريحه.. المهاجره .. .
. وتحب تسمع الكلام العاطفي وأغاني عبدالحليم.. مزاجه متقلب مره تضحك ومره تبكي واحيانا تنام على الكيبورد هع


منقول
تحياتي لكم