باختصار القول تدري من أكون؟؟؟

ودي أسكن محجر عيونك وأكون


أجمل إنسان يطالع له نظـرك






شمسك اللي بين رمشك والجفون


وان سهرت الليل في عينك قمرك






وأهجرك لو نظرتك لحظه تخون


وأعتذر لك لو خفوقي ماعـذرك






واعذرك واخذ وعد منك تصـون


نظرتك في غيبتي أو في سفـرك






ماحتمل غيري على قلبك يمـون


وماحتمل لو غيري بكلمه ذكرك






وماحتمل غيري يناظرك بعيـون


حب ولاّ شوق خذ مني حـذرك






لاتجرّب ثورتي بعـد السكـون


لو كسرت القلب في لحظه كسرك






تدري بطبعي غيـوره للجنـون


وانّك الخسران لو قلبي خسـرك






وانت تعرفني من اللي يحفظون


لو غدرك الكل قلبـي ماغـدرك






أعشقك وأهوى بروقك والمزون


تنتعش روحي على وابل مطرك






يرتوي في داخلي وعد وشجون


وقلب كم ياكم تولّـع وانتظـرك






لاسمعتك تنطفي نـار الظنـون


أدري إن الشوق يالغالي أمـرك






وانتثر لك وقتها شعـر ولحـون


وأكتب أبياتي على موجة بحرك






ولالمحتك راح وجهي ألف لـون


كل هذا بس من شوفة صـورك






كيف لو شفتك حقيقـه ياحنـون


كيف لو ليلي غرق فيك وسهرك






بأختصار القول تدري من أكون


أصدق إنسان واهبه لك قـدرك





م/ن




مما إستوقفني

كلمات جميلة الله يعطيك العافية تحياتي

الله يعافيك الاحلى مرورك اخووي
منور الموضووع
لاعدمناااك ودي كوووول

منور بوجودك تحياتي